Бремена си?

„На 20 години останав сама, бидејќи моите родители починаа. По одреден период се запознав со
едно момче од кого останав бремена, но нему не му беше важно за нас. Бев сосема сама и во
голема депресија. Но, благодарение на една моја пријателка (која исто така е самохрана мајка)
стапив во контакт со вашата организација, кадешто добив потполна помош и поддршка, утеха и
волја за да продолжам понатаму. Премногу сум задоволна, што едно мое фала не би било
доволно…“

„Вашата организација ми го продолжи животот и ме направи многу среќна и задоволна. Среќна
сум што ве имам вас! По нашиот разговор сум попозитивна личност и знам дека за што и да ми
треба, вие сте тука за мене.“

„Ви благодарам што бевте со мене во еден од најтешките моменти од мојот живот. Бидете
секогаш насмеани и такви какви што сте. Кон вас и вашата работа секогаш ќе имам почит и љубов,
затоа што вие иако не ме познававте доволно дојдовте и ми пруживте рака во тој тежок момент.
Ви благодарам за тоа што го направивте за мене и моето ангелче кое замина и никогаш нема да се
врати.“

„Му благодарам на Бога што дозволи една прекрасни луѓе како вас да бидат дел од мојот живот.
Благодарејќи на вас знам што е мајчинска љубов и колку е таа убава и неопислива со зборови… Ви
благодарам за се, драги пријатели.“